بالنسبة للنجاح في تحقيق أي هدف في الحياة, كاين 2 أنواع من الأشخاص الشخص من النوع 1 الخوف من الفشل لي يجعلو يتحرك. المشكل هو أن كي تكون خايف من الفشل, قد ما درت, ديما تقول في نفسك" ما يكفيش, واش لازم نزيد ندير؟" بطريقة غير واعية كأن السؤال لي يطرحو في نفسو هاذ النوع من الأشخاص هو : واش لازم ندير باش ما نفشلش ؟ هاذ الشخص ما عندوش يقين في النجاح, عند شك أو شكوك الشخص من النوع 2 مؤمن بلي راح ينجح, و يحوس على كيفاش راح يحقق النجاح, , يحوس على واش هو أفضل طريق للنجاح, في عقلو راهو متأكد من النجاح, ويسأل روحو السؤال "كيفاش راح ننجح ؟" ويبدا يديك كل واش لازم عليه باش يحقق هاذ النجاح. شكون من هاذ الزوج يكون في أفضل حالة نفسية و شكون لي يحقق أفضل نتيجة ؟ في زوج يقدرو ينجحو لأن في زوج رايحين يبذلو مجهودات كبيرة ولكن الشخص 2 ينجز واش لازم وهو في أفضل حالة نفسية من الشخص 1 مثلا عندك مدة محددة باش تنجز حاجة, نقولو مثلا 3 سوايع كيفاش تكون حالتك النفسية كي تكون متأكد بلي هاذ الوقت يكفيك باش تكمل, وكيفاش تكون حالتك النفسية كي تكون خايف ما يكفيكش الوقت شكون من هذه ا...
تعليقات
إرسال تعليق